Brawn GP![]() | |
---|---|
![]() | |
Situación | |
Estáu | Reinu Xuníu |
Datos | |
Tipu |
Formula One team (en) ![]() |
Fundáu en | 2009 |
Desapaecíu en | 2009 |
Fundador |
![]() |
| |
![]() |
Brawn GP Formula One Team, formalmente Brawn GP Limited, foi una escudería británica de Fórmula 1 que ganó'l Campeonatu Mundial de Constructores de Fórmula 1 en 2009.
Formóse'l 6 de marzu de 2009, dempués de que se confirmara que Ross Brawn, hasta entós direutor téunicu de Honda Racing F1, mercara l'equipu de F1 de Honda.[1][2][3] Primeramente, los inxenieros de Super Aguri incorporárense a esti equipu, arriendes de la retirada de la escudería xaponesa de la Fórmula 1 en mayu de 2008.[4]
Brawn GP fixo'l so debú nel Gran Premiu d'Australia de 2009 col inglés Jenson Button y el brasilanu Rubens Barrichello como pilotos. Naquella carrera los sos pilotos consiguieron les dos primeres posiciones de clasificación y de carrera.
L'equipu utilizó motores de Mercedes-Benz. Magar les dificultaes iniciales, l'equipu consiguió dellos patrocinadores conforme avanzaba la temporada, incluyendo Virgin, MIG Investments, Henri Lloyd y PerkinElmer.
Al rematar la temporada, Brawn GP convirtiérase nel primer equipu de la historia d'esta categoría en consiguir el Campeonatu Mundial de Constructores y el Campeonatu Mundial de Pilotos nel mesmu añu del so debú. Jenson Button acabó primero de la clasificación de pilotos y Rubens Barrichello, terceru.
El 16 de payares del 2009 la empresa alemana Mercedes-Benz, en collaboración con Aabar Inversiones, anunció la compra del 75,1% del equipu Brawn GP, polo cual pasó a llamase Mercedes GP,[5] y convirtiendo a Brawn GP na escudería con meyores estadístiques de la historia de la Fórmula 1.